Баянзүрх дүүргийн Хөдөлмөрийн хэлтэс

Ажилтай орлоготой Монгол хүний төлөө

Жижиг дунд үйлдвэрийг дэмжих хөнгөлттэй зээлд хамрагдах төсөлд тавигдах шаардлага

2013-04-03 10:13:08

Зорилт.

·         Жижиг, дунд үйлдвэрлэл эрхлэгчдэд зориулж урт хугацааны, хөнгөлөлттэй зээл олгох:

·         ЖДҮ эрхлэгчдэд санхүүгийн түрээс /лизинг/-ээр үйлдвэрийн тоног төхөөрөмжийг авч ашиглахад дэмжлэг үзүүлэх

·         Жижиг, дунд үйлдвэрлэлийн чиглэлээр дэмжлэг авсан эрхлэгчдийн туршлагыг харилцан солилцуулах

·         Төрөөс дэмжлэг авч үйл ажиллагаагаа өргөжүүлсэн, ажлын байр бий болгосон жижиг, дунд үйлдвэрлэл эрхлэгчдийн үйл ажиллагааг олон нийтэд сурталчлах ажлыг зохион байгуулах, үзэсгэлэн худалдаанд хамруулах.

Зээлийн хэмжээ:

А. Үйл ажиллагаа эрхэлж буй зээл хүсэгчид тавих шаардлага:

1.    “ Жижиг, дунд үйлдвэрийн тухай хууль” – н 5 дугаар зүйлд заасан шалгуур үзүүлэлтийг хангасан, жижиг, дунд үйлдвэр эрхлэгчээр бүртгүүлсэн байх

2.    Татварын болон зээлийн хугацаа хэтэрсэн өр төлбөргүй байх

3.    Хуулиар хориглоогүй барьцаа, батлан даалттай байх ба зээлийн барьцаа нь хөдлөх болон үл хөдлөх эд хөрөнгө, бусдынн өмчлөлд шилжүүлж болох эд хөрөнгийн эрхийн талаарх мэдээлэл, жагсаалтыг гаргаж ирүүлэх

4.    Үйлдвэрлэл, үйлчилгээ, худалдаа эрхлэх  техникийн нөхцөл, байгаль орчны болон үйл ажиллагаа явуулахад шаардлагатай холбогдох бусад зөвшөөрлийг авсан байх

5.    Ажлын байрыг хадгалсан, нэмэгдүүлсэн, шинээр бий болгох тоог тусгах

6.    Шинээр бий болох ажлын байранд хөдөлмөрийн төв биржид бүртгэлтэй иргэдээс авах, бүртгэлгүй иргэдийг ажлын байртай болгох бол хөдөлмөрийн төв биржид бүртгэлтэй иргэдээс авах, бүртгэлгүй иргэдийг ажлын байртай болгох бол хөдөлмөрийн төв биржид бүртгүүлэх, тухайн жижиг, дунд үйлдвэр эрхлэгч нийт ажилтны 10 хувьтай тэнцэхүйц тооны мэргэжлийн боловсрол, сургалтын байгууллагын суралцагчдыг үйлдвэрлэлийн дадлага хийлгүүлж, мэргэжлийн ур чадварыг дээшлүүлэх дадлагажуулах боломжтой талаар төсөлдөө тусгаж баталгаажуулсан.

7.    Үр ашигтай, судалгаа тооцоотой , зээлээ төлөх орлоготой байх зэргийг тусгасан шаардлага хангасан төслийг ирүүлэх

8.    Олон улсын хөдөлмөрийн байгууллагын “ Бизнесээ эхэл, бизнесээ хөгжүүл” хөтөлбөрийн дагуу амжилттай суралцсан, түүнээс баталгаажуулсан гэрчилгээтэй байх

Б. Шинэ бизнес эрхлэгчдэд тавих шаардлага:

1.    Хэрэгжүүлэх төслийн санхүүжилтийн 30-иас доошгүй хувийг өөрийн хөрөнгөөр санхүүжүүлэх чадвартай байх

2.    Татварын болон зээлийн хугацаа хэтэрсэн өр төлбөргүй байх

3.    Шинээр бизнес эрхлэгч нь тухайн төслийн салбартаа мэргэшсэн, дадлага туршлагатай боловсон хүчинтэй байх

4.    Тухайн хэрэгжүүлэх төслийн хүрээнд шаардлагатай тусгай зөвшөөрөл, техникийн нөхцлийг эрх бүхий байгууллагаас авсан байх

5.    Хуулиар хориглоогүй барьцаа, батлан даалттай байх ба зээлийн барьцаа нь хөдлөх болон үл хөдлөх эд хөрөнгө, бусдын өмчлөлд шилжүүлж болох эд хөрөнгийн эрхийн талаарх мэдээлэл, жагсаалтыг гаргаж ирүүлэх

6.    Тухайн бүтээгдэхүүний түүхий эдийн зэх зээлийн судалгаа, үнийн түвшин, хэтийн төлөвийн талаарх мэдээлэл, хэрэгцээ, шаардлага зэргийг тусгасан шаардлага хангасан төслийг ирүүлэх

7.    Орон нутгийн онцлогийг харгалзан тухайн орон нутгийн түүхий эд, нөөцөд түшиглэсэн, үр ашигтай байх

8.    Шинээр бий болох ажлын байранд хөдөлмөрийн төв биржид бүртгэлтэй иргэдээс авах, бүртгэлгүй иргэдийг ажлын байртай болгох бол хөдөлмөрийн төв биржид бүртгүүлэх, тухайн жижиг, дунд үйлдвэр эрхлэгч нийт ажилтныхаа 10 хувьтай тэнцэхүйц тооны мэргэжлийн боловсрол, сургалтын байгууллагын суралцагчдыг үйлдвэрлэлийн дадлага хийлгүүлж мэргэжлийн ур чадварыг дээшлүүлэх, дадлагажуулах дадлага хийлгүүлж мэргэжлийн ур чадварыг дээшлүүлэх, дадлагажуулах боломжтой талаар төсөлдөө тусгаж баталгаажуулсан байх

9.    Олон улсын хөдөлмөрийн байгууллагын “Бизнесээ эхэл” хөтөлбөрийн дагуу амжилттай суралцан батламжлэх гэрчилгээ авсан байх

ЖИЖИГ ДУНД ҮЙЛДВЭРИЙГ ХӨГЖҮҮЛЭХ САН

Монголд илүү давтамжтай хийгддэг 43 нэр төрлийн загвар төслийг харгалзан мэргэжлийн холбоодод захиалга өгч бичүүлэн хэвлүүлж худалдаалж байгаа болно.

1.    Ноолуур угаах самнах үйлдвэр

2.    Хуурай сүү боловсруулах үйлдвэр

3.    Сүүний цех

4.    Сүүний хөргөлтийн төв

5.    Сүүний чиглэлийн 40-50 үнээний эрчимжсэн аж ахуй

6.    Сульхир хөх арвайн тариалант, үйлдвэрлэл

7.    Тэжээлийн үйлдвэр

8.    Цөм сүргийн  аж ахуй

9.    Хүнсний ногоо боловсруулах, нөөшлөх, даршлах үйлдвэр

10.Жимс жимсгэнэ боловсруулах, нөөшлөх үйлдвэр

11.Хүнсний ногооны зоорь

12.Торомны ноос ноолууран төрөл бүрийн сүлжмэл эдлэлийн үйлдвэр

13.Давсны үйлдвэр

14.Усалгаатай газар тариалан

15.Хүлэмжийн аж ахуй

16.Махны анхан шатны боловсруулах үйлдвэр

17.Мал нядалгааны үйлдвэр

18.Махны чиглэлийн эрчимжсэн а/а

19.Зөгийн аж ахуй

20.Ус рашаан  савлах үйлдвэр

21.Ноос угаах самнах үйлдвэр

22.Эсгий эдлэлийн үйлдвэр

23.Тэмээний ноосоор топс бэлтгэх үйлдвэр

24.Арьс шир боловсруулах үйлдвэр

25.Арьс ширэн эдлэлийн үйлдвэр

26.Мод, модон хавтангийн үйлдвэр

27.Цаас боловсруулах  үйлдвэр

28.Мод боловсруулах үйлдвэр

29.Тоосгоны үйлдвэр

30.Хөнгөн блокны үйлвэр

31.Цементийн үйлдвэр

32.Чулуу боловсруулах үйлдвэр

33.Хог хаягдал боловсруулах үйлдвэр

34.Сав баглаа боодлын үйлдвэр

35.Плитаны үйлдвэр

36.Электрон цахилгаан тоног төхөөрөмж угсралт

37.Шахмал түлшний үйлдвэр

38.Хийн түлшний үйлдвэр

39.Гурилын үйлдвэр

40.Талх нарийн боовны үйлдвэр

41.Суманд ажиллах хоршооны загвар

42.Ахуй үйлчилгээний төвийн загвар

43.Хэвлэлийн үйлдвэр

 

Нийтэлсэн : **no name | Уншсан (1653) | Сэтгэгдэл ( 2 ) | Дэлгэрэнгүй

Я.Санжмятав: Гадаадад олон жил ажилласан хүмүүс эх орондоо ирэх нь үнэт баялаг болно

2014-02-10 15:01:40

Ингэж эх нутгаасаа гарсан монголчуудын араас санаа тавих байдал өмнө нь бага байсан. Хөдөлмөрийн яам байгуулагдсанаас хойш өнгөрсөн хавар бид Солонгост байгаа иргэдтэйгээ уулзаж сэтгэл санааны дэм үзүүлж Монголдоо очвол ямар боломж байгааг танилцуулсан. Тухайлбал, визний хугацаа нь дуусч байгаа иргэд эх орондоо ирэхэд төрийн байгууллагаар дамжуулан ажлын байрны саналаа ирүүлэх. Бид эндээс нь төрийн болон хувийн хэвшилд зуучлах боломжийг эрэлхийлж гарцыг олсноо дуулгасан юм. Өнгөрсөн хавар ийм ажил зохион байгуулсан бол сая ХАХНХЯ-тай хамтран, Хурд хамтлагийн хамтаар мөн зорчоод ирлээ. Ингэхдээ төр засгийн бодлого, хийж хэрэгжүүлсэн ажил, хийх гэж байгаа зүйлээ дуулгалаа.

-Гадаадад ажиллаж, амьдарч байсан иргэд эх орондоо ирэхэд хөдөлмөрлөх боломжгүй гэдэг. Солонгос дахь монголчууд эх орондоо ирвэл хөдөлмөрийн болоод эдийн засгийн ямар хөшүүрэг, боломж байгааг дуулгав?

-Гадаадад гарсан 200 гаруй мянган хүний 25 орчим мянга нь Солонгост байдаг юм. үүний есөн мянга орчим нь гэрээгээр ажилладаг бол дөрвөн мянга нь сурч, найман мянган хүний визний хугацаа хэтэрсэн байх жишээтэй. Харин түр ажиллаж байгаа зургаан мянга орчим хүн бий. Гадаадад явсан энэ хүмүүс оюуны өндөр потенциалтайн дээр олон жил хөдөлмөрлөж асар их туршлага, мэдлэг хуримтлуулсан байдаг. Үүнийхээ үр дүнг эх орондоо ирж гаргаач ээ л гэж байгаа. Тодорхой хэмжээний төсөл хөтөлбөр боловсруулаад ирвэл үйлдвэржилтийг дэмжих жилийн хүрээнд дэмжлэг үзүүлэх боломж байна. Өөрийн нөөцөд тулгуурлаад компани байгуулан нэмүү өртөг шингэсэн бүтээгдэхүүн үйлдвэрлэж эхэлбэл татварын хөнгөлөлтөөр ч дэмжих бодлого бий. Тухайлбал 1.5 тэрбум төгрөгөөс доош хөрөнгөтэй дотоодын үйлдвэрлэгчийн татварын 90 хувийг буцаалтаар олгох гэх мэт. Энэ нь бизнес эрхлэлтээ эхлэх гэж байгаа хүмүүст том боломж. Мөн үйлдвэрлэлээ өргөжүүлэх сонирхолтой бол ажилчдынхаа цалин хөлсийг тавихаас эхлээд ихээхэн үр нөлөөтэй ажил болно. Тиймээс мэдлэг, туршлага, ур чадвар хуримтлуулсан та бүхэн маань эх орондоо ирж ажиллаач гэсэн урилгыг энэ үеэр түгээлээ. Монголчуудын хамгийн их ажиллаж амьдардаг хоёр дахь орон бол АНУ. Чадвал энэ хавар Нийгмийн түншлэлийн гурван талт хэлэлцээрийг хийж АНУ-д байгаа иргэдтэйгээ уулзаж эх орныхоо эдийн засаг, хөдөлмөрийн нөхцөл боломж ямар байгааг танилцуулах зорилготой байгаа. Хөгжилтэй оронд ажиллаж байгаа хүмүүсийн хийсэн бүтээснийг Монголд үйлдвэрлэх боломж байна уу гэдгийг эрэлхийлж, гадаадад байгаа монголчуудыг туслахыг хүсч байна. Энэ ажлуудыг маань гадаадад буй иргэд маань ихээхэн дэмжиж байна билээ. Хамгийн гол нь монгол хүн гадны ийм том корпорацид үр бүтээлтжэй ажиллаж байна шүү гэсэн сурталчилгааг хийж өгөх хэрэгтэй байгаа юм.

-Эх орондоо эргэж ирсэн хүн Хөдөлмөрийн яамны хаалгыг татахад байж болох зүйлээр дэмжинэ гэсэн үг үү?

-Эх орондоо ирж хөдөлмөрлөхөөр болбол бид шууд санхүүгийн дэмжлэг туслалцаа үзүүлнэ гэхээсээ илүүтэйгээр зуучлалын ажлыг нь Хөдөлмөрийн биржээрээ дамжуулаад хийх бололцоо байгаа юм. Монгол руу шилжихээсээ өмнө хоёр сарын өмнө ч юм уу тодорхой хугацааны наана Солонгост байгаа Элчин сайдын яам, нэг цэгийн үйлчилгээний газарт хандан ийм төрлийн ажил эрхлэх боломжтой гээд бүртгүүлчихэд ажилтан хайж буй компанид нь мэдээллийг нь дамжуулж ажлын байр бий болгох бололцоо байна. Нөгөөтэйгүүр ар гэрээ тэжээхийн тулд хөгжилтэй оронд хөдөлмөрлөж технологийн дэвшилд суралцсан хүн бол дипломгүй том сургалтад хамрагдсан доктор юм. Хүнтэй харьцах соёлоос эхлээд компанийг удирдах менежментийг тухайн оронд нь тухайн үйлдвэрлэл дээр нь суралцчихсан учраас энд цөөн хүнтэй баг удирдаад хөдөлмөрлөж ажлын байрыг нэмэгдүүлж, нэмүү өртөг шингэсэн бүтээгдэхүүн гаргах боломжтой. Тэд ядаж л ажлын цаг хийдүүлэхгүйн дээр бүтээгдэхүүн борлуулах менежментэд суралцсан байдаг. Өнөөдөр хоёр өрөө байрны үнэ 100 сая төгрөгт хүрчихлээ. Гадаад оронд ажиллаж амьдраад Монголд хоёр өрөө байр худалдан авна гэдэг бас хэцүү. Тиймээс монголдоо ажиллаад өөртөө баялаг бүтээх боломжтой болсон гэдгийг дуулгаж байна. Дараагийн чухал асуудал нь технологи Ноу Хау гэж байдаг. Цонхны рам юм уу шаазан, плита үйлдвэрлэлийн гэх мэт нарийн мэргэжлийг Монголдоо олгож чаддаггүй. Тиймээс тэр технологийг нутагшуулах асуудлыг нэн тэргүүнд тавьж технологид суралцсан хүмүүст боломж олгон дараа дараагийн мэргэжилтнүүдийг нь бэлтгэх ажлыг хийх хэрэгтэй байгаа. Өндөр хөгжилтэй орнуудын ашиглаж байгаа технологи дээр ажиллаж байсан хүмүүс бол Монголд өндөр түвшний мастерууд гэсэн үг. Дотооддоо үйл ажиллагаа явуулж буй компаниуд ч ийм хүмүүсийн мэдлэг, ур чадварыг ашиглавал ихээхэн хэмжээний үр дүн гарна гэдгийг харж гадаад орон руу гарсан монголчуудыг нөлөө бүхий хүний нөөц гэж дүгнэж байна. Солонгост хийсэн арга хэмжээгээр дамжуулан дэлхийн өнцөг булан бүрт байгаа монголчуудыг “Эх орондоо ир. Хуримтлуулсан мөнгөнөөс чинь гадна хувь хүн танд хуримтлагдсан мэдрээгүй мэдлэг байгаа. Түүнийхээ үр дүнг эх орондоо үзээч ээ” гэж хүсч байгаа юм. -Гадаадад ажиллаж, амьдарч байгаа иргэд төрийн энэ бодлогыг хэр дэмжиж байна вэ. Тэдэнд Монголдоо ирэх сэтгэлзүйн бэлтгэл суусан уу? -Ардчилсан нийгэмд шилжсэнээс хойш 20 гаруй насны хүн яваад өнөөдөр аль хэдийнэ 50 настай болчихож. Нэг ёсондоо өтлөх тал руугаа хэвийж эх орондоо ирэх сэтгэлтэй байгаа ч дассан ажил, хэл устайдаа дулдуйдаад тэндээ ажиллаад байна. Нөгөөтэйгүүр тэдгээр хүмүүс энэ хугацаанд маш их туршлага хуримтлуулснаа бага мэдрээд байна. Тэгэхээр хуулийн нөхцөл уян байгаа үед компани байгуулан хөгжүүлэх боломжтой байхад эх орондоо ирсэн нь онно. Хүний нутагт зарагдаж цалин авч байснаас мэдлэг туршлагаараа Монголд байгаа орон зайг нөхөж гадаадаас импортоор оруулдаг бүтээгдэхүүнийг үйлдвэрлээд эхэлбэл тэр хүн хувийн өмчтөн, компанийн эзэн болно. Одоогоос 40 жилийн тэртээ Солонгосын олон иргэн гадаад руу гарч хөгжилтэй орнуудын хар ажлыг хийж өгдөг байсан. Харин өнөөдөр тэгж ажиллаж байсан хүмүүс нь улсынхаа жижиг дунд үйлдвэрлэлийг авч яваа. Ийм бололцоо Монголын хөрсөнд бий болчихоод байна. Ийм үед манай яам, Засгийн газрын барьж байгаа бодлого бол гадаадаас авах ажилчдаа багасгая. Гадагш нь явуулдаг хүнийхээ тоог ч бууруулъя. Тэр орон зайгаа гадаадад байгаа гадаадад ажиллаж байсан хүмүүсээр нөхөе гэж байгаа юм. Гадагш гарсан хүмүүсийг явахад цалингийн хэмжээ 200-300 мянган төгрөг байж амьдрал залгуулахад хэцүү байсан бол өнөөдөр тээвэрлэлтийн жолооч хийхэд л 1.5 сая төгрөгийн цалин авч байна ш дээ. Б.Лхагвасүрэн “Хүний нутагт хагас жаргадаг. Өөрийн нутагт бүтэн жаргадаг” гэж хэлсэн байдаг. Түүн шиг олон жил харийн оронд хагас жаргалаа. Одоо эх орондоо ирж бүтэн жаргаач ээ л гэж байна. Өнгөрсөн нэг жилийн хугацаанд ийм боломж бүрдсэн. Ганц жишээ дурдахад сая шагнал авсан Нацагням байна. Олон зуун Нацагням харийн оронд байна гэдгийг л хэлэх гээд байгаа юм. Шууд хэлбэл гадаадад олон жил ажилласан хүмүүс эх орондоо ирэх нь үнэт баялаг болно.

-Гадаадад олон жил ажилласан иргэд мэдлэг, туршлагатай ч хүнд үзүүлэх бичиг баримт байдаггүй. Үүнийг яаж цэгцлэх юм? -Солонгост гэрээгээр ажиллаж байгаа хүмүүс Монголын нэг цэгийн үйлчилгээ хийгээд Солонгосын талд бүртгүүлж байх хэрэгтэй. Тэгээд нутаг буцахаасаа өмнө богино хугацааны сургалтад хамрагдаад үнэмлэх, сертификат авах боломжтой. Үүнийгээ бариад ирэхэд нь МСҮТ-д хуваарилж Монголд ашигладаг технологи дээр асар богино хугацаанд шалгаад үнэмлэхийг нь гаргаж өгөх боломжтой.

-Хөдөлмөрийн яам гадаад оронд явсан иргэдээ эх нутаг руу нь эргүүлэн татах нөхцөл бололцоог нь хангахаас гадна тухайн оронд нь хөдөлмөрлөж байх үеийн асуудалд нь анхаарах ёстой. Иргэн бүртээ хүрч ажиллах нөхцөл бүрдэх нь үү?

-Солонгост хамгийн олон хүн ажиллаж, амьдардаг учраас Хөдөлмөрийн яам тэнд салбар нэгжээ байгуулсан. Хөдөлмөрийн яамны салбар Нэг цэгийн үйлчилгээний газар гэж. Тус байгууллага гэрээ нь зөрчигдсөн, цалин хөлсөө өгөөгүй, аюулгүй ажиллагаанаас болж хохирсон гэх мэтээр олон асуудлыг шийдэж ажилласан байна. Харин бусад орны хувьд тухайн орны Элчин сайдын яамаар нь дамжуулан асуудлыг нь шийдэж байгаа. -Солонгос руу визгүй зорчдог болох асуудал байнга яригддаг.

Таныг ажиллах үеэр энэ асуудал хөндөгдөв үү? -Нарийн яриа хийгдсэнгүй. Хоёр орны гадаад харилцааны яам харилцан ярилцаж байгаа. Гэхдээ богино хугацаанд шийдэгдэхгүй байх. Тиймээс бид визний хугацаа нь дууссан иргэдэд анхаарал хандуулж эх орондоо ирж буцдаг болох талаас нь ярилцаж байгаа. -Нэг хэсэг солонгосчууд биднээс залхаж, аль болох нутагтаа хөл тавиулахгүйг хичээн ёстой л шүдийг нь хүртэл шалгаад оруулдаг байсан. Энэ байдал өнөөдөр өөрчлөгдөж монголчуудыг нэн таатай хүлээж авдаг болсон сурагтай? -Харьцангуй гайгүй байгаа. Улаан, цагаан хууль бус үйлдэл хийхгүй бол тэр бүр монголчуудыг барьж цагдаад, шалгаж нэгжээд байдаг зүйл үгүй болсон байна. Энэ нь Солонгосыг зорих урсгал багассантай нэг талаараа холбоотой. Стадион дүүрэн хүн хонуут оочерлож явдаг байсан бол өнөөдөр МСҮТ-д суралцаж мэргэжилтэй болоод эх орондоо бүрэн дүүрэн цалинтай ажиллах нөхцөл бүрдсэнийг монголчууд ашиглаж байна. Хоёдугаарт харалсан гэж чичлүүлдэг нөхдүүд маань тухайн орондоо аливаа гамшиг, гэнэтийн осол тохиолдох буюу хүнд үед нь өөрөө баригдана гэлгүйгээр тусалдаг. Шууд хэлбэл монголчууд цайлган, цагаан хүн чанартайгаараа бусад орны хүмүүсээс 100 хувь илүү байдаг нь үүнд нөлөөлсөн байх. Солонгост орон орны иргэд ажилладагаас монголчууд л мөс чанар сайтай, хүн чанартай гэдгийг нь таньж мэдсэн байдаг.

ӨДРИЙН СОНИН Л.МӨНХТӨР

Нийтэлсэн : **no name | Уншсан (85) | Сэтгэгдэл ( 0 ) | Дэлгэрэнгүй

Мэндчилгээ

2014-02-10 14:52:25
Нийтэлсэн : **no name | Уншсан (42) | Сэтгэгдэл ( 1 ) | Дэлгэрэнгүй

Жижиг боломжоо аз жаргал болгоорой.

2013-09-17 15:52:16
Нийтэлсэн : **no name | Уншсан (76) | Сэтгэгдэл ( 0 ) | Дэлгэрэнгүй

Ажил олгогчийг дэмжих хөтөлбөрт хамрагдах хүсэлтэй Ажил олгогч нарт

2013-09-05 11:33:02
Дор дурьдсан нөхцөл, шаардлагыг хангасан ажил олгогчид хөдөлмөрийн хөлсний доод хэмжээг 12 дахин нэмэгдүүлсэнтэй тэнцэх хэмжээний урамшууллыг нэг удаа олгоно. Үүнд:
• Хөдөлмөрийн тухай хуулийн 111 дүгээр зүйлийн 1 дэх заалтад зааснаас цөөн буюу 25 хүртэл ажилтантай ажил олгогч хөгжлийн бэрхшээлтэй иргэнийг ажилд авч, 12 сараас доошгүй хугацаагаар ажлын байраар хангасан.
• Хөдөлмөрийн тухай хуулийн 111 дүгээр зүйлийн 1 дэх заалтаар тогтоосон хувиас давсан хэмжээнд хөгжлийн бэрхшээлтэй иргэнийг ажилд авч, 12 сараас доошгүй хугацаагаар ажлын байраар хангасан 25-аас дээш ажилтантай ажил олгогч
• Хөдөлмөрийн эрхлэлтийн байгууллагад бүртгүүэн, ажил идэвхитэй хайж байгаа боловч 6 сараас дээш хугацаагаар ажилгүй байгаа иргэнийг ажилд авч, 12 сараас доошгүй хугацаагаар ажлын байраар хангасан
• Хөдөлмөрт бэлтгэх хөтөлбөрт хамрагдсан иргэнийг 12 сараас доошгүй хугацаагаар ажлын байраар хангасан.
Ажил олгогчид дараах тохиолдолд сургалтын зардлыг нөхөн олгоно. Үүнд:
Хөдөлмөрийн насанд хүрээд асрамжийн газраас гарсан болон хорих ангиас суллагдсан иргэнийг үйлдвэрлэл дээрээ дадлагажуулан үндсэн ажилтнаар нэг жилээс доошгүй хугацаагаар үргэлжлүүлэн ажиллуулж байгаа ажил олгогчид 3 сар хүртэлх хугацааны дадлагын зардлыг Хөдөлмөр эрхлэлтийн үйлчилгээний төвөөс баталсан сургалтын хөтөлбөр, дадлагажих хугацааны тэмдэглэл, дадлагажигчийн тушаал, цалингийн баримтыг үндэслэн нөхөн олгоно.
Дараах тохиолдолд цалингийн дэмжлэг олгоно. Үүнд
Хөдөлмөрийн насанд хүрээд асрамжийн газраас гарсан болон хорих ангиас суллагдсан иргэнийг үйлдвэрлэл дээрээ дадлагажуулан үндсэн ажилтнаар 12 сараас дээш хугацаагаар үргэллүүлэн ажиллуулж байгаа ажил олгогчид 1 жилийн цалин хөлстэй тэнцэх хэмжээний санхүүгийн дэмжлэгийг ажил олгогч, ажилтан тус бүрт 1 удаа олгоно.
Хөдөлмөрийн насанд хүрээд асрамжийн газраас гарсан болон хорих ангиас суллагдсан иргэнийг үйлдвэрлэл дээрээ дадлагажуулан үндсэн ажилтнаар 6-12 сар хүртэл хугацаагаар үргэлжлүүлэн ажиллуулж байгаа ажил олгогчид 1 жилийн цалин хөлсний 50 хувьтай тэнцэх хэмжээний санхүүгийн дэмжлэгийг ажил олгогч, ажилтан тус бүрт 1 удаа олгоно.
Нийтэлсэн : **no name | Уншсан (241) | Сэтгэгдэл ( 1 ) | Дэлгэрэнгүй

БҮТЭЭМЖИЙН ХӨДӨЛГӨӨНИЙ ЗОРИЛГО

2013-08-30 18:05:29

Бүтээмжийн хөдөлгөөний үр дүн

  1. Хөтөлбөрийн хүрээнд холбогдох шийдвэр, зөвлөмж гарч, ЗГ-ын үйл ажиллагааны хөтөлбөрт тусгагдсан байна.
  2. ХНЗГТҮ-ний хэлэлцээрт бүтээмжийн асуудлаар талуудын үүрэг, оролцооны талаар тусгагдсан байна.
  3. Үндэсний хэмжээнд хөдөлмөрийн бүтээмж дээшилсэн байна.
  4. Үндэсний болон салбар, аймаг нийслэл, сум дүүргийн хоорондын ажлын уялдаа хангагдсан байна.
  5. Бүтээмж тооцох арга зүй боловсронгуй болсон байна.
  6. Цалин, бүтээмжийн зохистой харьцаа бий болсон байна.
  7. Хөдөлмөрийн бүтээмжийн статистик мэдээллийн бааз хөгжсөн байна.
  8. Үндэсний болон салбар, аймаг, нийслэл, сум дүүргийн түвшинд бүтээмжийн хөдөлгөөн төлөвшсөн байна.
  9. ААНБ-ууд бүтээмж дээшлүүлэх арга хэрэгслүүдийг хэрэгжүүлсэн байна.
  10. Бүтээмжийн асуудал хариуцсан мэргэжилтнүүдийн чадавхи дээшилсэн байна.

 

Нийтэлсэн : **no name | Уншсан (120) | Сэтгэгдэл ( 0 ) | Дэлгэрэнгүй

БЗД Хөдөлмөрийн хэлтэс: Манайд дараах ажлын байр байна.

2013-08-29 10:59:58
Нийтэлсэн : **no name | Уншсан (613) | Сэтгэгдэл ( 3 ) | Дэлгэрэнгүй

МСҮТ-д элсэгчдийн тоо өсөх хандлагатай байна

2013-08-27 11:07:27
Манай орны хувьд бүтээн байгуулалтын ажил ид өрнөж байгаатай холбоотойгоор эл төрлийн мэргэжилтэй ажилтан ч ихээр шаардлагатай болж байгааг Засгийн газар анхааралдаа авч “Үндэсний мэргэжилтэй ажилтан бэлтгэх хөтөлбөр”-ийг эхлүүлсэн. Хурдан хугацаанд, чадвартай мэргэжилтэй ажилтан бэлтгэж, хөдөлмөрийн зах зээлд нийлүүлэх зорилготой Тус хөтөлбөрийн үр дүнд эхний ээлжийн 4837 суралцагч ажлын талбартаа гараад байгаа бол хоёрдугаар шатны 2088 орчим суралцагч 9 сарын дундуур төгсөнө. Ингэснээр эх орныхоо бүтээн байгуулалтанд гар бие оролцох 8000 орчим мэргэжилтэй ажилтан хөдөлмөрийн зах зээлд нийлүүлэгдэж байгаа юм.

Өнгөрөгч хичээлийн жилд МСҮТ-үүдэд нийтдээ 19607 элсэгч элсэн орсон бол “Үндэсний мэргэжилтэй ажилтан бэлтгэх хөтөлбөр”-ийг хэрэгжүүлсэнээр 7764 элсэгч нэмэгдэж нийт 27 371 болж нэмэгдсэн байна. Харин энэ жилийн хувьд МСҮТ-үүд нийтдээ 26 000 гаруй элсэгч элсүүлэх хяналтын тоо өгөөд байгаа юм.
Нийтэлсэн : **no name | Уншсан (48) | Сэтгэгдэл ( 0 ) | Дэлгэрэнгүй

НЭМЭГДСЭН ӨРТГИЙН АЛБАН ТАТВАРААС ЧӨЛӨӨЛӨХ ТУХАЙ

2013-08-15 14:29:23
Нийтэлсэн : **no name | Уншсан (140) | Сэтгэгдэл ( 0 ) | Дэлгэрэнгүй

Зээлийн батлан даалтын сангийн харилцагч банк

2013-08-15 14:10:21
Ангилал : Мэдээ мэдээлэл | Нийтэлсэн : **no name | Уншсан (87) | Сэтгэгдэл ( 0 ) | Дэлгэрэнгүй